Aquí tedes un revoltallo con todas as palabras que precisastes e fostes recollendo ao longo desta semana. Sa sabedes, todo isto e moito máis poderedes atopalo nas vosas lecturas. Aproveitade estas vacacións para ler!!

Obradoiro de ciencia e radio a cargo de Manuel Vicente

O Larchán do Cotarelo xa está de volta ás andadas. Tivemos a sorte de contar coa visita de Manuel Vicente, divulgador científico, que dirixe o programa Efervesciencia, na Radio Galega. Que mellor maneira de celebrar o mes da ciencia en galego que facendo radio!

Os mozos e as mozas de 3º de ESO estiveron experimentando coa aplicación para Android "Tape Machine", a mesma que utilizan hoxe en día xornalistas da radio profesional, e puideron facer as súas primeiras pezas de radio sobre unha temática científica.

Non perdades a pista que, de seguro, este obradoiro vai dar os seus froitos en breve. Hai moito Larchán con gañas de contar cousas na radio. 

Podedes facer clic aquí para dar unha vista de ollos ao programa Efervesciencia.

Dalle ao Play. A radio do Cotarelo na Cadena Ser

Amigos e amigas, o noso proxecto de radio escolar vai adiante e pouco a pouco imos vendo resultados. O pasado xoves 12 de febreiro fomos visitar a emisora de Radio Arousa co grupo de FPB-Informática.
Puidemos coñecer como funciona a radio desde dentro grazas ao equipo da Ser de Vilagarcía, especialmente Eloy Magariños, presenciar o programa magazine en directo e participar nel falando do noso proxecto de radio.
Foi unha experiencia inesquecible. Agora só temos ganas de facer máis radio.
Esta semana comezaremos a reproducir os programas da nosa radio no vestíbulo do instituto durante os recreos e colocaremos un buzón de suxerencias e peticións. Animádesvos a participar?

Chegando ao local da Ser ainda había un pouco de excepticismo

Pero cando entramos comezamos a descubrir que isto mola

Eloy mostrounos como funciona a radio e como evolucionou nos últimos tempos

E entramos nas ondas, que emoción!

Aris explicouse con moita naturalidade

E Ramón marcando personalidade

Alex ata fixo un amigo, Pedro Expósito, locutor de Radio Arousa

Homes e mulleres anuncio no día da paz

A paz é unha palabra fermosa, non é? E porque non publicala a toda voz, ou máis ben, a todo cartel. Isto foi o que fixeron os compañeiros e compañeiras de ciclos formativos no día da paz. Convertíronse en homes e mulleres anuncio pregoando mensaxes de paz. Brav@s

Día da ciencia en galego 2014

O pasado 19 de decembro celebramos o Día da Ciencia en Galego con varias demostracións de física, química e matemática a cargo dos profesores Chema e Xosé Carlos e alumnos e alumnas da ESO. Aquí tedes algunhas fotos daquel día.

Aquí vemos a Pablo, Cristina, Lara e Silvia dándoo todo cos acertixos matemáticos.

Eis unha simulación do accidente do Casón. Un barquiño de papel cargado con unha pedra de sodio e... a pouco máis e temos que activar o protocolo de evacuación!

Aquí o profe Chema nos explicaba como alterar o Ph soprando nun tubo de ensaio.
Maxia? non, ciencia!