11.11.2013

A CIENCIA, EN GALEGO


Por cuarto ano consecutivo celebramos o DÍA DA CIENCIA EN GALEGO. O vindeiro martes 12 de novembro, a Coordinadora Galega de ENDL convida a todos os centros educativos non universitarios a participar en dúas videoconferencias vía web, na que destacados investigadores galegos da Universidade de Santiago de Compostela achegarán temáticas de interese curricular para o noso alumnado e os proxectos científicos que desenvolven na actualidade. Ademais de seguir a videoconferencia, os centros escolares que desexen participar teremos a posibilidade de interaccionar con eles vía chat a través dunha sala virtual de fácil manexo. 
O EQUIPO DE DINAMIZACIÓN LINGÜÍSTICA, e os DEPARTAMENTOS DE CIENCIAS E DE FÍSICA E QÜÍMICA do Cotarelo participará nesta actividade que se desenvolverá en centos de institutos de Galicia a mesmo tempo. O alumnado de Bacharelato asistirá á Videoconferencia de Jorge Mira, titulada "Como medir as distancias e os tamaños da terra, a Lúa e o Sol".